كلنا اتصدمنا من الميل اللي الجامعة باعتاه - باستثناء الفلول و الجواسيس طبعا - , في مننا ناس ماتت على روحها من الضحك و فيه ناس سبت الدين - استغفر الله يعني- للجامعة , و لغاية دلوقتي مش عارفين هنعمل ايه.
أنا قريت الميل و قلت أحلله نقطة نقطة من وجهة نظري المتواضعة , و أهو نضحك و نشتم شوية.
الميل اللي بعتولي عليه ده الميل بتاعي, كنتوا تقدروا تبعتوا البوقين دول ﻷبويا بالبريد زي ما بتبعتوله البايمينت أوردر كل كام شهر عشان فلوسكو حارقاكو.
أنا عايز أعرف فين المناخ الأكاديمي المميز اللي بيقولوا عليه ده !! يكونش قصدهم على الكويزات اللي هاريينا بيها كل يوم و التاني , و المدترمز العجيبة و الفينالز اللي ما تتحلش !! وللا تي اييز الضايعين و الناس المتميزة اللي مشوهم من الجامعة !!
أنا راجل جاي دافع فلوسي في حامعة اديتلي دعاية - كاذبة - انها احسن جامعة في مصر, جايين تقولولي لو مش عاجبك ورينا عرض أكتافك !! نعم يعني !! بعد ما لبستونا !!
مين اللي قال ان احنا عايزين نخفض المحتوى التعليمي !! أي تماحيك و خلاص !!
ما تقلقوش ... العسكر اللي باعتينكم قالوا ان انتخابات الرئاسة في نوفمبر 2012 .. و بالنسبة لمجلس الشعب , ما انتوا ما اديتوناش اجازة في انتخابات 2010 المزورة و انا كطالب مغترب معرفتش اشارك , وللا خلاص الوطنية مقطعة بعضها !!
طب مادام الطلبة كذابين و نصابين كده زي ما بتقولوا, ليه قبلتوا بتأجيل الانتخابات و قبول عرض اللايحة الجديدة و مناقشتها ... هو ينفع يبقى فيه تفاوض مع كذابين !! وللا يكونش مديين فرصة للناس تترشح بدل ما منظركم بقى وحش و محدش رضي يرشح نفسه !! لول
طب ماهو المجلس التنفيذي اجتمع اهو !! معرفش يجتمع عشان يناقش اللايحة !! للدرجادي الكذب سهل عليكوا !!
ممكن اشوف القوانين ذات العلاقة دي !!
ممكن أشوف القانون اللي بيقول تعيين أوائل الدفعات ده !! أنا اه من أوائل دفعتي بس أنا شغلي كله قانوني !!
ممكن أعرف عرفتوا منين حوار الاحتكاك ده - أو أنا عارف صراحة - ... ريحتك فاحت يا جاسوس !!
هو قانون الجامعات ده ماشفتوش فيه قانون حق اتحاد الطلبة في تكوين اللايحة الخاصة بيه , وللا انتوا بتقروا القوانين على طريقة : لا تقربوا الصلاة !!
الميل بيقولي كده من الأخر : كخ كده يا حبيبي ... عيب لحسن أقول لبابا
أما بقى الجزء الخاص بتعطيل الدراسة ده , فأكيد كلنا قريناه في الميل بتاع السنة اللي فاتت ... بس !!
الجامعة الألمانية .... أم الفلول
No comments:
Post a Comment